პროექტის პორტფოლიო

მეცხრე დღე
პროექტზე მუშაობის დასრულების შემდეგ მოვამზადე მასალა პრეზენტაციისთვის, პროექტის გეგმის ჩეკლისტის გამოყენებით გადავავლე თვალი გეგმას და შევიტანე ცვლილებები.
მომდევნო ეტაპზე განვიხილეთ ტრენინგის მონაწილეთა პორტფოლიოები და ჩავინიშნე, რა დეტალები იყო შესასწორებელი მომავლისთვის.
ინტელის ტრენინგკურსმა წარმოაჩინა ის პრობლემები და საჭიროებები, რომლებიც იკვეთება პროექტზე მუშაობის დროს.
ვფიქრობ, რომ პროექტებით სწავლება მოსწავლეებს საშუალებას მისცემს გამოავლინონ საკუთარი შესაძლებლობების მაქსიმუმი.
საკმაოდ სასიამოვნოა ტრენერთან, გვანცა სალიასთან, ურთიერთობა.
 გულისხმიერი და ყურადღებიანი ტრენერი ტრენინგის წარმატების გარანტია.

მერვე დღე

დღევანდელი დღე მოსწავლეზე ორიენტირებული სწავლების სტრატეგიებს დაეთმო.

გავიაზრე, როგორ გამოვიყენო ტექნოლოგიები სწავლების გასაუმჯობესებლად, რა პროცედურებია საჭირო კომპიუტერთან მუშაობის პროცესში მოსწავლეების დასახმარებლად.

სასწავლო პროექტზე მუშაობა ითხოვს მაღალი დონის სააზროვნო უნარების გამოყენებას, პასუხების გაცემა შეუძლებელია მხოლოდ ფაქტების გახსენებით, ამოტომაც ტექნოლოგიების გამოყენება ხელს უწყობს მოსწავლეთა აქტიურ ჩართულობას და პასუხობს მათ ინტერესებს. ღრმად და საფუძვლიანად თემის შესწავლა პროექტის ფარგლებში კი აკმაყოფილებს საგნობრივ სტანდარტს.

პროექტებით სწავლება აერთიანებს შინაარსსა და 21-ე საუკუნის უნარ-ჩვევებს, ამავდროულად არის საუკეთესო უკუკავშირის განხორციელების გზა მასწავლებელსა და მოსწავლეებს შორის.

ტექნოლოგიების მოხერხებულად გამოყენება დამეხმარება დასახუკლი მიზნების მიღწევაში.

   მეშვიდე დღე

მეექვსე მოდულზე მუშაობამ საშუალება მომცა გავაანალიზო დიფერენცირებული სწავლების ნიუანსები, რაც დამეხმარება შევქმნა მოსწავლეებისთვის საჭირო მოქნილი სასწავლო გარემო, მშვიდი და ინტერაქტიული ადგილებით, ვასწავლო ისეთი წესები, რომლებიც ხელს უწყობს დამოუკიდებლობას. გავიაზრე, როგორ უნდა გავითვალისწინო მოსწავლეთა მრავალმხრივი ინტელექტი (გარდნერის თეორიის შესაბამისად), ვიმუშავე ბლოგის დიზაინის შეცვლასა და პორტფოლიოს ბმულის ჩაშენებაზე ბლოგში.
დღევანდელი დღე დამეხმარება პროექტზე მუშაობისას გავითვალისწინო თითოეული მოსწავლის შესაძლებლობა და შევქმნა მათთვის საინტერესო გარემო. ყოველივე დაეხმარება მოსწავლეებს, რომ მიაღწიონ საუკეთესო შედეგებს.  

მეექვსე დღე

         დღეს ყურადღება გავამახვილეთ სწავლების პროცესში ტექნოლოგიების ეფექტურად გამოყენებაზე. მოვირგე მოსწავლის როლი, პროექტის ფარგლებში შევქმენი სავარაუდო პრეზენტაცია და წარვადგინე აუდიტორიის წინაშე.
           მოსწავლის პოზიციიდან დანახული სავარაუდო ნაშრომი დამეხმარა გამეგო, რამდენად შეეფერება პროექტის მოთხოვნები მოსწავლეების საჭიროებებსა და ინტერესებს.
           საინტერესო იყო უკუკავშირი. მიღებულ რჩევებს გავითვალისწინებ პროექტის დასახვეწად.
           

ადვილი არ იყო მოსწავლეობა. მგონი მასწავლებლობაზე რთულია